ഹദീസ് 16  നൈർമല്യത്തിൻ്റെ പ്രാധാന്യം

 يا عائِشَةُ إنَّ اللَّهَ رَفِيقٌ يُحِبُّ الرِّفْقَ، ويُعْطِي علَى الرِّفْقِ ما لا يُعْطِي علَى العُنْفِ، وما لا يُعْطِي علَى ما سِواهُ.

ആഇശ(റ) നിവേദനം: അല്ലാഹുവിന്റെ റസൂൽ(സ) പറഞ്ഞു:  തീർച്ചയായും അല്ലാഹു ദയയുള്ളവനാണ്, അവൻ ദയയെ ഇഷ്ടപ്പെടുന്നു. കാർക്കശ്യത്തിനു നൽകാത്ത പ്രതിഫലം അവൻ ദയയ്‌ക്ക് നൽകുന്നു, അതുപോലെ മറ്റൊന്നിനും അവൻ പ്രതിഫലം നൽകുന്നില്ല.

                                    ഉറവിടം: സാഹിഹ് മുസ്ലിം 2593, ഗ്രേഡ്: സഹീഹ്

ഹദീസ് 15  മനുഷ്യൻ നേരയാകുന്നത്

لا يَسْتَقيمُ إِيمانُ عبدٍ حتَّى يَستَقيمَ قلبُه، ولا يَسْتَقيمُ قلبُه حتَّى يَستَقيمَ لسانُه، ولا يدخُلُ الجنَّةَ رجُلٌ لا يَأْمَنُ جارُه بَوائِقَه

അനസ് ഇബ്നു മാലിക് റിപ്പോർട്ട് ചെയ്യുന്നു: അല്ലാഹുവിന്റെ ദൂതൻ പറഞ്ഞു:

ഒരാളുടെയും ഈമാൻ  അയാളുടെ ഹൃദയം നേരാകുന്നതു വരെ നേരെയാകുകയില്ല. അവന്റെ നാവ് നേരെയാകുന്നതുവരെ ഹൃദയം നേരെയാകുകയില്ല, തന്റെ അയൽ ക്കാരൻ ഒരാളുടെ തിന്മയിൽ നിന്ന് സുരക്ഷിത നലാകുന്നില്ലെങ്കിൽ ഒരു മനുഷ്യനും സ്വർഗ ത്തിൽ പ്രവേശിക്കുകയില്ല.

മുസ്‌നദ് അഹ്മദ് 13047: ഹസൻ

നീതിമാന്മാർ മഹാഭാഗ്യവാന്മാർ

 إنَّ المُقْسِطِينَ عِنْدَ اللهِ علَى مَنابِرَ مِن نُورٍ، عن يَمِينِ الرَّحْمَنِ عزَّ وجلَّ -وكِلْتا يَدَيْهِ يَمِينٌ- الَّذِينَ يَعْدِلُونَ فيحُكْمِهِمْ وأَهْلِيهِمْ وما وَلُوا.

അബ്ദുല്ലാഹിബ്നു അംറ്(റ) നിവേദനം: അല്ലാഹുവിന്റെ ദൂതൻ(സ) പറഞ്ഞു:

നീതി പാലിക്കുന്നവർ അന്ത്യ ദിനത്തിൽ അല്ലാഹുവിന്റെ വലതു വശത്ത് പ്രകാശത്തി ന്റെ ഇരിപ്പിടങ്ങളിലായിരിക്കും.

അവന്റെ ഇരുകരങ്ങളും വലത്തേതു തന്നെ യാണ്. തങ്ങളുടെ വിധികളിലും കുടുംബത്തിലും തീരുമാനങ്ങളിലും  മറ്റു കാര്യങ്ങളിലും നീതി പാലിക്കുന്നവരായിരിക്കുമവർ.

സഹിഹ് മുസ്ലിം 4493: സഹീഹ്

12 അഹങ്കാരികൾ സ്വർഗത്തിൽ പ്രവേശിക്കില്ല

 لا يدخلُ الجنةَ مَنْ كان في قلبِهِ مِثقالُ ذرَّةٍ من كِبرٍ ، قِيلَ : إنَّ الرجُلَ يُحبُّ أنْ يكونَ ثوبُهُ حسنًا ، ونعلُهُ حسنةً ، قال : إنَّ اللهَ جميلٌ يُحبُّ الجمالَ ، الكِبرُ بطَرُ الحقِّ ، و غمْطُ الناسِ

ഇബ്‌നു മസ്ഊദ് റിപ്പോർട്ട് ചെയ്യുന്നു: അല്ലാഹുവിന്റെ റസൂൽ  പറയുന്നു:

ഹൃദയത്തിൽ അഹങ്കാരത്തിന്റെ ഒരു കണിക യെങ്കിലുമുള്ളവർ  സ്വർഗത്തിൽ പ്രവേശിക്കുകയില്ല. അതു കേട്ട് ചിലർ ചോദിച്ചു: ഒരാൾ നല്ല വസ്ത്രങ്ങളും പാദരക്ഷ കളും ധരിക്കാൻ ഇഷ്ടപ്പെടുന്നത് ഇതിൽ വരുമോ? നബി(സ) പറഞ്ഞു: അല്ലാഹു സുന്ദരനാ ണ്, അവൻ സൗന്ദര്യത്തെ ഇഷ്ടപ്പെടുകയും ചെയ്യുന്നു. സത്യത്തെ നിരാകരിക്കുന്നതും മനുഷ്യരെ താഴ്ത്തിക്കാണുന്നതുമാണ് അഹങ്കാരമെന്നത്.

                                                   സഹിഹ് മുസ്ലിം 91 : സഹിഹ്